Родители од Калифорнија се обиделе да го продадат сопственото шестмесечно бебе пред трговски центар за 25 долари.

Родителите од Калифорнија, 38 годишниот Патрик Фоусек и 20 годишната Саманта Томашини се приведени откако Патрик им приоѓал на жените пред трговскиот центар и ги прашувал дали сакаат да го купат неговото дете.

„Жените на почеток мислеле дека човекот се шегува, но тој бил упорен во својата намера да го продаде детето, па случајот им станал сомнителен и го пријавиле во полиција", рече Лало Вилегас, портпарол на полицијата, пишува Дејли Мејл.

„На нашите службеници жените им ги дадоа корисните информации. Не знам дали се мајки, но дефинитивно имаат инстинкт за помош", изјавил Вилегас.

Парот е уапсен наредниот ден во нивната куќа, а кога полицијата дошла по нив како што пишува весникот биле под влијание на дрога.

Обвинети се за загрозување на детски живот.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.