Во старите древни народи жените користеле купки со млеко, се масирале со билни уља и екстракти од разни билки се сo  цел за подобар изглед на градите и деколтето.

Овде кожата е многу танка и нежна, содржи малку лојни жлезди и затоа брзо ја губи цврстината и еластичноста.

Постојат и други причини кои негативно влијаат на состојбата на градите како: промена во хормоналниот статус и телесната тежина, прекумерното сунчање, доење, злоупотреба на солариумите и др. Затоа кожата на деколтето бара многу внимание исто како и кожата на лицето. 

Чистење: се препорачуваат благи средства, пожелно од пченични зрна, цинк, мед и магнезиум. Овој состав овозможува отстранување на површинските нерамнини, вишокот на солии подеднакво ја омекнува и влажи кожата од кој било тип. Длабинското чистење го отстранува мртвиот епитал, го обновува ткивото и ја стимулира микроциркулацијата. Во оваа фаза се ставаат препарати кои не содржат абразивни супстанции. Добри резултати се постигнуваат со примена на ензимски средства  како што се: екстракти од папаја, етерични масла од рузмарин, геранија, портокал... кои не само што ја забрзуваат ексфолијацијата (отстранувањето) на мртвиот епитал туку и даваат на кожата влажност и допринесуваат за намалување на хиперпигментацијата, како и промените што настануваат со тек на стареењето. 

ТРЕТМАН НЕГА

Се препорачува комбинација од физиопроцедури и тоа: микроструја, миостимулација, фонофореза со подмладување. При справување на спомнатите процедури многу е важно да се почитуваат следниве принципи: безопасност, комфорност и ефикасност.

Безопасноста се состои од задолжителен преглед на млечните жлезди на градите, потоа познавање на контраиндикациите, постоење на трудноќа, малигни болести, грозница, гнојни процеси, кожни болести, хронични срцеви и бубрежни заболувања, постоење стентови и сл.

Комфорноста подразбира адекватна комбинација на третманите се со цел за индивидуален пристап на секој клиент, неговата осетливост, спроведливоста низ крвните садови како и личното чувство на клиентот.

Ефикасноста е процедура што зависи од почитувањето на првите два принципа.

Млечните жлезди имаат специфична структура и за нив главна улога во одржувањето имаат мускулите на градниот кош. Површинскиот слој со тек на годините го губи тонусот и жлездите се опуштаат. Во борба со овој третман микростимулацијата има големо значење и ултразвук се користи, но тој е за зголемување на длабинската проодност на препаратот.

Фонофорезата е комбинација од дејства на ултразвукот и козметичките препарати. Зоната на деколтето (како и лицето) се најмногу изложени на сонцето кои го активираат процесот на задебелување подложно на фотостареење. Со овој вид на третман се зголемува синтезата на колаген и еластин во кожата, доаѓа до отстранување на плитките брчки и смалување на длабочината на длабоките брчки, се подобрува тонусот и еластичноста. 

МАСКИ

Во процесот на моделирање на градите користиме маски од алги, потоа маски од пченични никулци за надокнадување на витаминот А, Е и Д, како и незаменливи масни киселини, воспоставувајќи хидратидна рамнотежа на кожата.

Важен фактор се БИОФЛАВОНОИДИТЕ кои ја забрзуваат размената на материите (екстракт фалфија, бршлен, камилица, кантарион и ајдучка трева). Тие ги зајакнуваат крвните садови, го исфрлаат вишокот на течности и продуктите од метаболизмот, имаат антиоксидантно и биостимулативно дејство и се така заедно ја подмладуваат кожата за што и ние се бориме. 

Внатрешната убавина е она што ja носите во себе, а надворешната е онаа што можете да ја добиете во козметичкиот салон Лејди Ем Бјути (на ул. Никола Карев бр. 3)  тел 043 235-757.