Македонскиот претставник на Евровизија Ѓоко Таневски вечерва ќе настапи, како петнаесетти на првата полуфинална вечер во Осло со песната „Јас ја имам силата".

Со почеток од 21.00 часот ќе биде одбележан стартот на педесет и петиот натпревар за најдобра песна на Евровизија.

Оваа година натпреварот ќе се одржи во Норвешка во „Теленор арена", чија победа лани ја донесе Александар Рибак со песната „Бајка".

Двете полуфиналиња ќе се одржат на 25 и 27 мај, а финалето на 29 мај 2010 година.

Како новитет на оваа Евровизија е тоа што гласањето ќе започне на почетокот, а ќе трае за време на целиот натпревар и ќе заврши 15 минути подоцна од претставувањето на последната земја учесник.

Ваквиот начин на гласање ќе биде застапен и во финалето и двете полуфиналиња.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.