Српската ѕвезда Жељко Јоксимовиќ, наскоро ќе има нов музички проект, а за македонската јавност најавува дека ќе има спектакуларен концерт.

„Наскоро ќе имам нов музички проект, тоа нема да биде албум, едноставно ќе го наречам додаток, исто како што дневните весници во одреден период имаат додаток", рече Јоксимовиќ на денешната конференција за медиуми по повод неговиот концерт во Скопје.

Тој најавува дека на концертот ќе има многу изненадувања за македонската публика и музички гости кои ќе настапат со него.

Концертот ќе се одржи на 1 јуни во салата „Борис Трајковски" во организација на туристичката агенција „Гуливер".

Почетокот на концертот е закажан за 20:30 часот, а влезниците може да се купат во "Југотон", Розе Веро 2 како и на другите вообичаени места.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.