На денешен ден пред точно 25 години е регистриран првиот интернет домејн „.com".Како што пренесува ББЦ, во март 1985. година компанијата „Symbolics computers" од Кембриџ го регистрира интернет домејнот кој се завршуваше на „.com" (Symbolics.com).

Истата година, уште пет компании го направија истото. До вистински Интернет бум дојде 12 години подоцна, во 1997. година кога се регистрирани еден милион домејни „.com".

„Овој роденден е многу важен затоа што покажува едка интернетот стана значаен дел од современото општество, изјави Марк Меклаглин, извршен директор на компанијата Версајн, која е задолжена за работа со домејнот „.com".

Inpress.mk