Ако продолжи ваквото работење, општина Велес од лидер ќе започне да заостанува во процесот на децентрализација. Ова е предупредувањето кое денеска го упати советничката група на СДСМ најмногу посучувајки кон работата на советот. 

Тие реагираат дека содниците се одржувале без координација на советничките групи, што е спротивно на законот. 

Како вистински преседан го коментираат доставувањето на материјалите за 14 седница на кој потписник бил  поранешниот  претседател на Советот, Трајко Бабунски.

 „Од дневниот ред беше симната точката за работењето на Вардарскиот плански регион затоа што мнозинството сака да прикрие неправилности во истото ,а како спорна е и програмата за одбележување назначајни датуми во која не е внесено одбележувањето на Св. Пантелејмон заштитникот на Велес“, вели Мимоза Јовиќ советник од СДСМ.

Според претседателот на Советот Славчо Чадиев грешката со потписот е направена ненамерно од страна на општинската администрација. Веднаш било реагирано по што истата е исправена и според него не е прекршен деловникот за работа.