Свој профил на мрежата за интеракција „фејсбук" имаат 35 од вкупно 120 пратеници во Собранието на Македонија.
Ова го покажа првото интернет истражување на тема „Демократија преку новите медиуми", кое го спроведе Институтот за добро управување и евроатлантски перспективи (ИДУЕП).

Според истражувањето, чии резултати се објавени во петок, најголем број на фејсбук профили, вкупно 17,имаат пратениците од парламентарната група на владеачката група на ВМРО ДПМНЕ.

Најголем број на фејсбук пријатели има пратеничката од СДСМ, Радмила Шекеринска. Таа го има максималниот број на дозволени пријатели - 5.000 вкупно.

Второто место му припаѓа на пратеникот од ВМРО ДПМНЕ, Илија Димовски со бројка од 3.181 фејсбук пријатели. Третото место го делат пратеничката од ДУИ, Ермира Мехмети Деваја (1.806 пријатели) и пратеничката од ВМРО ДПМНЕ, Силвана Бонева (1.747 пријатели).

На топ листата на пратеници со најголем број на поддржувачи се наоѓа пратеникот и претседател на ДУИ, Али Ахмети со бројка од вкупно 2.266 поддржувачи. Веднаш зад него е пратеничката од СДСМ, Радмила Шекеринска со бројка од 1.657 поддржувачи.