Оваа сезона најважни се веселите бои на осумдесетите, римјанки.

Високите потпетици сеуште се апсолутен хит. Сеедно дали станува збор за дрвени или плетени платформи, нема да згрешите. Ова лето, ретро-сандалите кои се закопчуваат околу глуждот се идеална комбинација со шарена мини-сукња.Летово можете да си поиграте со комбинации со пруги или точки, како и со флуоресцентни тонови. Исто така популарни се и ресите кои го вратија стилот на шеесетите и седумдесетите, ги освоија модните писти претставувајќи хипи, шик и боемски стил.

На модниот трон за оваа сезона се најдоа и сите варијанти на платформи, без оглед дали станува збор за сандали или салонки.

Римјанки, лесни летни чизми како и старт-патики  во разни комбинации претставуваат вистински хит.

Во изборот на летни обувки преминете ја границата на модните правила кои важеа досега, креирајте свој стил кој ќе биде прилагоден на вашата личност.

 Комбинацијата на бои во однос облека-обувки да се совпаќа, сега веќе не е моден тренд, а кога станува збор за моделите, заборавете ги обувките кои имаат шпиц.