Бугарската приватна телевизија bTV ја победи според рејтингот државната БНТ1 синоќа по 21 часот.

Во тоа време на приватната телевизија се емитуваше шоуто „Мјузик ајдол" каде гостуваше српската легенда Лепа Брена, а на државната одеше првата дебата меѓу премиерот Сергеј Станишев и софискиот градоначалник Бојко Борисов.

Според податоците на TNS TV PLAN во временскиот интервал од 21-23 часот просечниот број на гледачи на bTV бил 955.000 души, а на БНТ-757.000.

Приватната телевизија има среден рејтинг 13,1% наспроти 10,4 на државната во тој часовен појас.

Copyright 2009 Makfax. Сите права се задржани. Текстов не смее да се печати или емитува, во целина или во делови, без договор со Makfax