Среќна нова!  Среќен Божиќ!  Ај за многу години! Здравје, на секој па после се друго..... и зборовите не доречени, инспирирани од  новогодишните празници подгреани со новата ни прва радост од природата СНЕГОТ, ете ти на ТВ во придружба на новогодишната елка, различните светилки кои трепкаат толку брзо како што трепери душата на Македонецот како до 31 јануари, уште една Честитка, во атмосфера на пост празнично освестување, претседателот на Собранието на  Република Македонија г-дин Трајко Вељановски, со грст мудри пораки и барања до политичките партии, ги распиша НОВИТЕ избори.

Република Македонија е пред нов предизвик, што би рекле спортските кладилници - 2 во 1! А добивката или загубата се огромни! Според зборовите на претседателот Вељановски, морам да кажам дека му верувам, ова се историски ИЗБОРИ! Не заради некој ситен интерес, напротив заради интересот на Македонија, во однос на пораките и говорот кој го кажа во јавноста по повод потпишувањето на решенијата за избори, целосно го поддржувам.

Затоа упатувам еден, едноставен апел до политичките партии, до подносителите на листи на кандидати - СВАТЕТЕ  ја пораката на претседателот дека ТРЕБА да покажеме ДЕМОКРАТСКИ капацитет! Иако целосно го поддржувам во неговите пораки, сепак и во себе си се прашувам - Како ли може да покажеме демократски капацитет, кога имаме СУЛТАН партии? Но,  јасен е АПЕЛОТ (кој може да се сфати и како новогодишна желба) до сите оние кои сакаат да кандидираат или  да се кандидираат во изборот на листите,  да ни ги понудат кандидати од следните 5 типа

• 1. Квази политикант
• 2. Политикант
• 3. Квази политичар
• 4. Политичар
• 5. ПРЕТСТАВНИК  НА ГРАЃАНИТЕ

Типот број 5, не за друго,  туку пред се за нивно добро здравје и за добра иднина на нашата заедница и МАКЕОДНИЈА!

*После изборите ќе знам која Нова Ви ја честитам '09 или пак '49!

                                                                                                                                                                                                       Димче Велев