Кој лаже а кој ја кажува вистината Метрудхем или министерството за животна средина. Со вакви прашања денеска излезе општинската организација на СДСМ барајќи објаснување од двете страни,  одобрено е или не писмото за намери.

Опозицијата бара поголема транспарентност од министерството за животна средина. И едните и другите да престанат со шпекулации и провокации особено на велешката јавност.

„Ја повикуваме власта и министерството за животна средина за поголема транспарентност и најбитно да добиеме искреност од нивна страна за овој значаен проблем за велешани. Дали Метрудхем бара рестарт на Топилницата на старата локација со старата технологија и луѓе кои с едобро познати кога станува збор за Топилницата", рече Иван Белевски, портпарол на ОО на СДСМ. 

Од СДСМ со јасен став, не ја сакаат Топилницата во Велес. Бараат од Владата да одвои дополнителни средства за фиторемедијација и расчистување на земјиштето околу Топилницата и на велешката почва.