Купувал текстил, не можел да го плати па пријавил дека фирмата му испраќа лажни фактури. Вака 62 годишен скопјанец се обидел да ја измами конфекцијата Ветекс. Тој како управител на скопската фирма Анертекс, во 2005-та година, склучил договор со Ветекс за  лон-систем работа.

Откако Ветекс ја испорачал робата, фирмата испратила и фактура од 50 илјади евра - толку пари чинела нивната работа.

По три години откако скопската фирма не го платила долгот, Ветекс почнал судска постапка за наплата на парите. Во меѓувреме, фирмата од Скопје пријавила во полицијата дека велешки Ветекс испраќа лажни фактури за исплата на пари. Анертекст тврдел дека двете фирми никогаш не соработувале.

Откако случајот пристигнала пред велешкиот суд, Јавното обвинителство почнало истрага. Утврдено е дека двете фирми соработувале, сите фактури биле валидни а робата од Ветекс се превезувала со возила на скопски Анертекст.

Поради ова, управителот на скопската фирма заработи пријава за лажно пријавување на кривично дело. Така успеал незаконски да заработи околу 50 илјади евра.