Ќе се гради водоводот од угостителскиот објект „Брод  Панини"  до мотелите покрај езерото Младост. Реализацијата на проектот, општина Велес  ќе чини околу два  милиони евра.Стучните служби во лоакалната самоуправа  ја подготвува документацијата за реализација на проектот. Цевководот е предвидено да биде долг еден километар и 300 метри. Со проектот ќе се гради и резервоар за вода, тој ќе се користи како преодно решение до поврзување со цевководот од градската мрежа. Вкупната должина на системот цевки кои ќе се инсталираат за водоснабдување на околните објекти, изнесува над пет километри. 

Инаку во првата фаза од проектот е изграден  бунар со шахта кој во моментов обезбедува четири литри вода во секунда. Ова не е доволно за потребите на потрошувачите поради што неопходно е поврзување на цевководот со градската водоводна линија.

Проектот предвидува изградба и на систем за одведување на отпадните води. Овој цевководот ќе биде приклучен на постојниот колектор за прочистување на отпадните води од објектите околу езерото Младост.

За изградба на системите за водоснабдување и одведување на отпадни води, општината планира да потроши околу 2 милиони евра. Парите планира да ги обезбеди со заем од Државата преку аплицрање со проектот до Министерството за транспорт. 

Инаку Општината веќе ја почна постапката за задолжување кај Светската банка. Побарува кредит од 1 милион евра, со овие пари планира да гради цевковод кој со вода за пиење ќе ги снабдува објектите покрај езерото Младост но и селата Отовица, Сујаклари, Иванковци. Засега не се знае кога ќе почне реализацијата на проектот.