25 годишник од Велес заработи кривична пријава за поседување петарди.

Осомничениот,  бил откриен на 22 минатиот месец.

Во редовна контрола, полицијата го сопрела автомобилот со кој управувал велешанецот и при проверката ги пронашла петардите.

Запленила 2040 петарди и 12 огномети. Распрскувачките материи се одземени а пријавениот бил однесен на распит во полицијата. По разговорот со инспекторите против велешанецот е поднесена пријава за сторено кривично дело недозволено изработување, тргување и држење оружје или распрскувачки материи.

Инаку во декември, полицијата пронајде поголема количина петарди кај повеќемина велешани. Тогаш заплени над 4 илјади петарди. Кај луѓето кои се пронајдени, полицијата поднесе пријави за поседување и продажба на распрскувачки материи.