Во прилепската болница на денешен ден пред 31 година се роди музичката легенда Тоше Проески. Животот на македонскиот музичар од светски размери заврши трагично, во сообраќајна несреќа која се случи на 16 октомври во 2007 година кај Ноша Градишка, Хрватска.

Денот на неговиот погреб, 17 октомври, беше прогласен за Ден на национална жалост. Споменот за него и тагата која ја остави по неговото заминување и по шест години не стивнува, не само во Македонија, туку и низ целиот Балкан.

Неговите музички успеси ги поминаа сите граници, а со својот глас тој го освои светот.

Музичката кариера ја започна со настапот на прилепскиот фестивал Мелфест во 1997 година.

Солисти од Македонија, Бугарија, Хрватска и од Словенија изминатиот викенд во  Македонската опера и балет ги отпеааа хитовите на Тоше Проески како оперски арии во чест  на неговиот 31 роденден. 

Солистите беа пратени од Оркестарот на МОБ и Бендот на Тоше, кои на сцената беа заедно хорот „Про арс" и под диригентство на Саша Николовски-Ѓумар. 

Пијанистот Симон Трпчевски ја отсвири познатата песна на Тоше "Љубена", а Влатко Стефановски со својата гитара ја отсвири "Арија", која Тоше ја изведе со италијанската пејачка Џана Нанини. 

Оперската дива Весна Гиновска Илкова го заврши концерот со изведба на "The hardest thing". 

Собраните средства ќе бидат донирани за Детската клиника во Скопје.