Нема малолетници во угостителските објекти по полноќ. Нема ниту силна бучава од музиката во објектите.

 Овие податоци стојат во полицискиот билтен за изминатата недела. Резултат се на честите контроли на полициските службеници во угостителските објекти лоцирани во градот.

Од  полициските извештаи од изминатите неколку месеци се забележува дека присуството на малолетни лица во рестораните, кафе баровите, сендвичарите и играчниците значително се намалува. Со тоа се намалуваат кривичните дела и прекршоците. Секторот за внатрешни ќе продолжи со редовните контроли по угостителските објекти со цел да го задржи стабилен јавниот ред и мир. 

Но сликата не се менува кога станува збор за кражбите во градот. И изминатава недела полицијата регистрирала над дваесет полесни и потешки кражби. И овој пат украдени се работни машини, пари, прехрамбени производи и акомулатори. 

Измината недела бил нарушен и јавниот ред и мир со физички напад. Против сторителите се поднесени барања за поведување прекршочна постапка до надлежниот орган. Евидентирани се и две семејни насилства. 

Во овој анализиран период на подрачјето на СВР Велес регистрирана е една сообраќајна незгода надвор од населено место.  Анализата од извршениот увид на лице место ќе ги утврди причините за настанатата незгода.