12 грама марихуана и 15 таблети екстази, пронашла велешката полиција при претрес во домот на 23-годишниот велешанец.  

Дрогата е пронајдена во октомври 2011 година, но  денеска СВР Велес до Основното јавно обвинитество, на осомничениот  му поднесе кривична пријава за неовластено производство и уштање во промет на наркотични дроги психотропни супстанции и прекурсори.

Во соопштението објавено на официјалнот веб-сајт на Министерството не стои податокот за што била наменета дрогата и дали требало таа да се продаде на уживатели во Велес.

Денешниов случај е само еден од многуте во борбата против дрогата. Од полицијата велат дека оваа појава е се поприсутна. Пред само девет дена кај 41-годишен граѓанин пронајдени се 21 пакување метадон и две пакувања марихуана.