Автомобилот на градоначалникот Горан Петров е повторно мета на вандалите.

Ноќеска бил скршен ретровизорот од левата страна. Автомобилот марка „Сааб"  бил паркиран пред Народниот музеј. 

Оштетувањето било пријавено во полиција и се трага по сторителот. 

„Вчера околу 10 часот е пријавено дека на автомобил марка „СААБ" е пријавено дека е скршен левиот ретровизот. СВР Велес не изврши увид затоа што автомобилот е преместен од местото на настанот. Сепак ќе провериме дали тоа е вандалски чин или пак е последица на удар од друга кола„вели Анита Стојковска портпарол на СВР Велес. 

Инаку ова е трето оштетување на автомобилот на градоначалникот за период од околу два месеца. Прв пат беа искршени предното и задното ветробранско стакло како и стаклото на возачкото столче. По само две недели, инцидентот се повтори. Непознати сторители го скршија предното ветробранско стакло а беше оштетен и дел од покривот. 

За сите три инциденти полицијата се уште трага по сторителите. 

Уште при првото оштетување, градоначалникот Петров изјави дека најверојатно тоа е закана за неговата работа но најави дека нема да потклекне на притисокот. Тој ќе продолжел да раководи со општината според планот кој го предвидел.