По повеќемесечно нагаѓање и шпекулации, конечно е потврдена веста дека ќе се снима продолжение на американската култна серија „Сексот и градот".

Како што пишуваат американските весници, станува збор за приказна како се почнало, заснована на романот „Дневниците на Кери" на Кендас Бушнел.

Студиото „Њу лајн синема" соопшти дека телевизиската мрежа  CW порачала пилот епизода од креаторите  на популарната тинејџерска серија „Gossip girl", Џош Шварц и Стефани Савиџ.

Двајцата продуценти ќе имаат помош од Бушнел и Еми Харис, сценаристките на серијата „Сексот и градот".

Новиот серијал овој пат ќе и се обраќа на младата популација, со оглед на тоа што главниот лик, Кери Бредшоу ќе биде претставена како тинејџерка.

Прашањето кое ги интересира сите е кој ќе ги глуми, Кери, Саманта, Миранда и Шарлот. Нагаѓањата веќе почнаа, а имињата кои најчесто се споменуваат се Блејк Лајвли, актерката од серијата „Gossip girl" и Мајли Сајрус актерката од серијата „Хана Монтана во улога на Кери.

Copyright 2011 makfax Сите права се задржани. Текстов не смее да се печати или емитува, во целина или во делови без договор со makfax.