Велешко семејство остана без својата заштеда и златниот накит вредни над  3 000 евра. Ограбен е станот  на улицата Благој Ѓорев. 

Кражбата се случила на 18 јануари среде бел ден.

Крадецот во станот влегол во периодот од 10.30 до 12.30 претпладне. 

 Пронашол 107. 000,00 денари и  900 евра и поголема количина златен накит. Крадецот веднаш побегнал.

Полицијата направила увид во станот и трага по сторителот на тешката кражба. Никој од станарите не го забележале разбојништвото.

Алармантен е бројот на кражби во Велес. Од почетокот на годината се пријавени над 50-тина. Најчесто се крадат метални предмети. Минатата недела пак серија кражби се случија во центарот на градот. Беа ограбени неколку продавници. Во сите се користел погоден алат за отворање на влезните врати. Беа одземени пари, лап-топ компјутери и друга компјутерска опрема.

За сите овие кражби, полицијата сеуште  нема осомничени. Крадците ги бара преку трагите кои  тие ги оставиле зад себе.