Здружението на спортските риболовци „Бабуна" ќе стопанисува со два ревира за спортски риболов на реката Вардар. Тие ќе бидат надлежни за потегот од вливот на реката Пчиња до вливот на Црна река во Вардар.

Вака одлучија во Министерството за земјоделство, шумарство и водостопанство. Пред четири  дена тие ги доделија концесиите за спортски риболов. Во соопштението кое е јавно објавено на специјализираниот веб-портал „Рибарска вистина" стои дека велешкото ЗСР  ја добило и концесијата за еден ревир на река Бабуна.

Дали со ова конечно ќе се стави ред во оваа област? Во изминатиот период  рибарите намаа концесија и практично беа со врзани раце, кога е во прашање рибокрадството? Вака ќе може поенергично да се реагира, сметаат тие.

Инаку со добивањето на концесија, здружението има и одредени обврски околу порибување на ревирот  и негово одржување.

Во наредниов период се очекува Министерството да го распише конкурсот за доделување концесии за неистечните води, во кои спаѓа и езерото Младост.