Второто полугодие во сите основни и средни училишта во општина Велес ќе започне на 23-ти јануари, а не на 20-ти до кога трае зимскиот распуст.

Од локалната самоуправа уште пред празниците поднеле барање до Министерството за образование за да се одложи првиот училишен ден и наместо од петок, наставата да започне од понеделник. 

Општинскиот инспектор за образование Божидар Јовиќ за веб-порталот Лисица денеска ја потврди оваа информација. 

„По наша иницијатива Министерството им даде предлог и на другите Општини тоа да до прифатат. Во Велес сигурно ќе започнеме со настава од понеделник 23-ти јануари", вели Божидар Јовиќ, Општински инспектор за образование. 

Главната причина поради која училиштата и Општината побарале да се одложи првиот училиштен ден е затоплувањето. Во зимскиот распуст, поради лошата финансиска состојба сите штедат и парните котли со системот за затоплување се искучени. Непотребен голем трошок за нив е да се рестартира парното за еден ден. 

Втората причина е да им се излезе во пресрет на учениците кои се од другите населени места и патуваат. 

Сепак според планот денот кој нема да се учи веднаш ќе биде обработен. Настава ќе се изведува во првата сабота на 28-ми јануари. 

www.lisica.mk неофицијалнo  дознава дека поради студеното време, надлежните размислуваат да се пролонгира почетокот на ворото полугодие. Дали ќе има таква одкука  се знае во наредните  два дена.