Големо признание за локалната самоуправа од општина Чашка во рамките на проектот  „Проценка на капацитетите на општините во Република Македонија" кој  по трет пат го спроведува ЗЕЛС.

Подготвеноста на општините се мереше во пет  области. Општина Чашка во категоријата за отчетност пред граѓаните го зазема првото место.

Експертски тим на ЗЕЛС, дал највисока оценка за транспарентното работење на администрацијата во Општината кога станува збор за отчетност. 

„ Ова е големо признание за општинската администрација која е млада и пред се мала. Наградата е значајна бидејки ја освоивме во конкуренција со многу поголеми општини и администрации кои се побројни и поискусни од нас. Признанието за Нас е обврска и понатаму да работиме трансперентно со цел да се подобрува информираноста на локалната средина", велат вработените во Општина Чашка. 

Во вкупната табела на оценки по пете области Чашка е меѓу шесте науспешни општини во државата.