Нацрт-верзијата од програмата за спорт за 2012 година е доставена навреме. Обвинувањата од претседателот на советот не се точни, вели Зоран Ѓуровски ,првиот човек на Сојузот на спортови. Денеска пред медиумите лично ја покажа целата програма која ја доставнил во локалната самоуправа. Како доказ на неа стои архивскиот број под кој таа е примена. 

„Еве ја програмата. Како што гледате во левиот горен агол има штембил со архивски број. Јас тоа не можам сам да го напишам. Значи јасно е дека ова е доставено нарвеме", вели Зоран Ѓуровски претседател на Сојузот на спотрови. 

Од Сојузот на спортови ги негираат и обвинувањата дека програмата не била квалитетна, туку напротив таа е иста, дури и малку пообемна од минатогодишната која Советот речиси во целост ја прифати. 

„Овогодинешната програма ги содржи сите оние настани и манифестации како и лани. Дури оваа е пообемна. Како лани чинеше сега не чини", вели Ѓуровски.

Кога е спортот во прашање, Гуровски не сака да ја меша политиката. Затоа и не ги коментира шпекулациите дека програмата за спорт е колатерална штета ,затоа што тој не е дел од владејачката партија. 

Денеска им порача на неговите неистомисленици, сите нерешени прашања  лично да ги решаваат со постапки упатени кон него, а не преку спортистите.