LG Electronics овогодишниот саем IFA во Берлин ја претстави реолуционерната технологија за скенирање со неверојатно LSM-100, компјутерско глувче кое има вграден скенер.

LSM-100 преку технологија развиена специјално за овој уред, нуди единствени функции кои претставуваат спој од неверојатни иновации и посебни погодности за корисниците.

Со моделот LSM-100, операцијата на скенирање е значително поедноставна и побрза во однос на конвенционалните скенери. Со притискање на копчето Smart Scan на левата страна од глувчето, корисникот само поминува преку материјалот кој сака да го скенира. Вака скенираниот документ може да се зачува во различни формати, како на пример PNG, JPEG, TIFF, BMP, PDF, XLS и DOC, или едноставно може директно да се пренесе во саканата апликација.

LSM-100 исто така поддржува и оптичко препознавање на знаци (OCR - Optical Character Recognition), со помош на кое може да го конвертира скенираниот текст во Microsoft Word документ.

Благодарение на технологијата за оптичко препознавање на знаците, скенираниот текст лесно се конвертира во Word го заштедува непотребното препишување на текстот.

Бидејќи не е ограничен во никакви посебни рамки, LSM-100 може да скенира и поголеми формати како A3 страници, што претставува значителна предност во однос на голем број конвенционални скенери., се наведува во соопштението на LG.

Copyright 2011 makfax Сите права се задржани. Текстов не смее да се печати или емитува, во целина или во делови без договор со makfax.