Филмот „Незаконско убивање" во режија на познатиот британски актер Кит Ален, според најавите открива досега непознати шокантни  детали во врска со смртта на принцезата Дајана и нејзиниот љубовник Доди ал Фаед. 

Во документарниот филм кој ќе биде прикажан на претстојниот филмски фестивал во Кан, Лејди Ди тврди дека поранешниот сопруг се обидува да ја убие, а останатите членови на кралското семејство се обидуваат  да ја сместат во психијатриска установа. 

Режисерот во филмот тврди дека истрагата за загинувањето на двојката била спроведена чисто формално и дека членовите на кралското семејство воопшто не биле испрашувани. 

Најмногу прав кренаа најавите дека во филмот за првпат ќе бидат прикажани досега невидени фотографии на Дајана, снимени неколку минути по нејзината смрт. 

Copyright 2011 makfax Сите права се задржани. Текстов не смее да се печати или емитува, во целина или во делови без договор со makfax.