Предвидувањата за повисоките цени на одредени производи се остварија. Овој месец е со големи трошоци за секое семејство, тука се подготовките за новата учебна година, спремањето на зимница, домаќинставата се снадбуваат со огрев.

Како со вакви високи цени на производите едно просечно семејство ќе го помине месецот и ќе успее да врзе крај со крај.

„Тешко се излегува крај со крај ,посебно сега ако се знае дека септември е месец на зимници, нова учебна година и слично. Наместо да добиеме поефтинување нашите трошоци се золемуваат„

„Народот само осиромашува. Ова повеќе не го бива. Секој ден се е поскапо и поскапо. Само платите и пензиите никако да се покачат",  велат случајно анкетираните  велешани.

Поскапената потрошувачка кошница  за граѓаните претставува вистнски шок. Тие и понатаму се жалат на сиромаштијата, нивните примања остануваат исти, а покачувањата на цените веќе станаа дел од секојдневието.

Покачувањето започна неодамна. Граѓаните најпрво се соочија со повисоката цена на основниот прехрамбен продукт лебот, потоа зејтинот, брашното, овошјето и зеленчукот.

„Најмногу загружува фактот што поскапуваат основните производи, почнувајки од лебот па натаму. Надлежните треба да си преземат нешто да не заштитат граѓаните", вели средновечна жена.

Велешани  во дилема, во месецот кога се подготвува зимницата дали да ги платат сметките или да неостапат од традицијата во септември да ја подготват традиционалната зимница.