Условот кој го постави Меѓународниот монетарен фонд (ММФ) за да потпише спогодба со Србија и да и остави на располагање 380 милиони евра, е претходно српската влада на собранието да му достави Закон за фискална одговорност,пренесе РТС.

Од  српското министерство за финансии, велат дека условите на ММФ, ќе ги преточат во закон и дека најкасно до 20 септември законот ќе биде ставен пре парламентот.

Тамошните експерти очекуваат дека законот, кој го ограничува задолжувањето на државата и трошењето на буџетот, ќе и обезбеди на Србија брз економски раст и ќе ја отфрли можноста за презадолжување.

„Овој закон ќе му даде силен инструмент на министерството за финансии, за да им каже на оние кои сакат да трошат дека не можат, бидејќи законот не и дозволува.Така се постига низок дефицит во касата, се обезбедува стабилност и се спречува инфлација", вели шефот на мисијата на ММФ, Алберт Јегер, пренесе РТС.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.