Премиерот на Република Српска, Милорад Додик изјави дека српските претставници во заедничките институции на Босна и Херцеговина нема да дадат согласност за признавање на независноста на Косово, пренесува Бета.

Тој смета дека е „потполно непримерно" што босанските претставници не сакаат да ја поддржат српската резолуција во Генералното Собрание на Обединетите Нации во врска со територијалниот интегритет на Косово, нарекувајќи го тоа „двоен аршин", во ситуација кога БиХ истовремено се залага за зачувување на својот територијален интегритет.

Додик вели дека Република Српска останува на политиката за територијалниот интегритет на Србија и дека политиката во врска со Косово ќе ја води во корелација со одлуките на Белград.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.