Министерот за надворешни работи на Хрватска, Гордан Јандроковиќ изјави дека Хрватска ќе го продолжи континуитетот на политиката спрема Косово во кругот на Обединетите Нации.

Во разговорот со шефот на УНМИК, Ламберт Занијер во Загреб, Јандроковиќ нагласил дека Хрватска води доследна политика спрема Косово, од признавањето на независноста преку сведочењето пред Меѓународниот суд на правдата, соопшти хрватското министерство за надворешни работи, пренесува Бета.

Соговорниците се сложиле дека е неопходно да се пронајде модалитет за вклучување на Косово во регионалната иницијатива, што многу би придонело за стабилноста и безбедноста во регионот.

Во овој контекст се вели, Хрватска е спремна да понуди стручна помош при јакнењето на косовските институции кои се бават со прашања за европска интеграција.

Во соопштението исто така се наведува дека е започната постапка за склопување на договор за соработка во евроатланската интеграција помеѓу Хрватска и Косово.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.