Тринаесет годишната Н. Т. , која синоќа падна од покривот на четирикатната зграда во која живее, се уште се бори за живот.

Според лекарите на скопската клиника Карил, таа е во крајно тешка здравствена состојба, во кома и во живот се одржува на апарати за дишење. Лекарите се борат за нејзиниот живот.

Покрај тешките повреди на главата, девојчето имало и тешки повреди на градниот кош. Таа била подложена на четири оперативни зафати.

Н.Т. вчераутро падна од покривот на зградата во просторот меѓу скалите во подрумите, кога стапнала на армираното стакло, што служело за влез на светлина во зградата. Таму била со татко и кој се обидувал да го санира просторот  околу оџакот кој прокиснувал. Пред да ја предупреди татко и стаклото се скршило и таа паднала долу во подрумите од 14 метри висина. Веднаш била префрлена во велешката болница но поради сериозноста на повредите беше транспортирана во ургентен центар Скопје. Полицијата изврши увид на местото на несреќата.