Околу 20 часот во  Скопската населба  Аеродром во пржилницата за риби „Биг фиш" засега непознато  лице пукало во тројца гости.

Споре информациите пласирани на националните телевизии тројцата гости во кои е пукано им подлегнале на повредите и починале.

Со жртвите на иста маса седела и девојка која за среќа останала неповредена.  Неофицијално пренесуваат телевизиите дека еден од жртвите бил  полицаец, но пукано е и во  близок роднина на шефот на Владиното обезбедувањето.

Според првичните информации на полицијата повеќе истрели се слушнале од пржилницата во трговскиот центар „3 Бисери" во скопски Аеродром. Еден од застреланите загинал на лице место, додека две биле тешко повредени и пренесени во болница, каде им подлегнале на повредите и починале.

Како што пренесува новинската агенција Макфакс  човек на возраст од 50 години  со афтоматско оружје  влегол во пржилницата и ги застрелал трите момчиња кои седеле внатре на една од  масите. Подоцна излегол, го оставил оружјето и со автомобил избегал од местото на престрелката.

Како што доцна вечерва пренесува Канал 5 веројатно цел на нападот бил велешанецот Јордан Јорданов. Покрај него настрадал и велешанецот Владо викан Црни, но и уште едно лице чии идентитет засега е неоткриен.

Според првичните непотврдени информации напаѓачот  се фатен на автопатот Скопје Велес, во автомобил марка БМВ. Неофицијално и убиецот е велешанец.Тој местото на настанот го напуштил со црвен автомобил за подоцна да се префрли во автомобилот во кој  подоцна полицијата го уапсила. 

Официјално од полицијата не соопштуваат никакви детали за убиените и за напаѓачот, ниту за мотивот. Повеќе информации најавија за утре бидејќи се уште не е завршен увидот на местото на престрелката.