Голема акција на велешката полиција и припадниците на чуварскта служба од Здружението на спортски риболовци „Бабуна". Тие вчера вечер на лице место затенкаа две лица при нелегален улов на риба. Во велешкото езеро Младост поставиле мрежа во должина од 1500 метри. 

„Припадниците на полицијата ги следеле двете лица кои еден и пол час ја поставувале мрежата бидејки таа е со фантастично големи диманзии. Откако ја поставиле ги уловиле двајцата и га повикале чуварите да ја извадат од езерото„вели Томе Илиевски секретар во ЗСР Бабуна. 

Покрај мрежата чуварите заплениле чамец и други средства за рирарење. Според нив овие лица подолг временски период против законски ја ловат рибата во езерото,со што  прават огромна штета на рибниот фонд. 

„Овие две лица ги следевме и лани ,но тагаш ни избегаа. Мислиме дека направиле огромни штети на рибниот фонд ,ако се земе во предвид дека фаќаат со големи мрежи„вели Илиевски. 

Двајцата рибокрадци од местото на настанот  се приведени во полициската станица  во Велес. Откако им беа земени изјави рибарите кои се осомничени дека сториле кривично дело  се пуштени на слобода. Кривичните пријави против нив СВР ВЕЛЕС и СРД Бабуна ги доставија до Основното јавно обвинителство во Велес.