Општина Велес ќе постави 200 нови канти за отпадоци во централнотот градско подрачје. Целта е да се подобри состојбата со комуналниот отпад.

Во контролите кои ги вршеле надлежните од Инспекторатот за животна средина констатирано е дека ситуацијата со отпадот на улицата Благој Ѓорев е алармантна и одлучено е веднаш да се реагира за остата да се промени.

Токму затоа од Министерството за животна средина побарани се 200 канти во кои ќе се за собира комуналенио отпад. Според големината на кантите се очекува по нивното поставување сликата на преполни канти и губре околу нив да биде веќе минато.

Кантите за отпадоци се веќе придтигнати во Велес и наскоро се очекува да се распределат по фирмите кои ќе поднесат барење за да добијат една. Кантите ќе се делат бесплатно на сите трговци кои ќе достават документ за регистрирана дејност и за подмирени давачки за комунална такса и данок на имот.

Надлежните очекуваат дека со овој потег значително ќе се подобри хигиената и чистотата во центарот на градот, но сепак апелираат до лицата кои ќе ги подигнат кантите тие да се искористат во вистински цели пред трговските објекти, а не да се однесат на друго место.

За лошата состојба со комуналниот отпад  пред извесно време реагираше и ЈКП Дервен. Тие апелираа до граѓаните за совесност и навремено исфрлање на сметот од домаќинствата во деновите кои се одредени за негово собирање.