Повеќе од 10 000 случаи на рак можат да се спречат секоја година, ако луѓето спортуваат и вежбаат редовно, соопштува група британски експерти.

Научниците од Светскиот истражувачки фонд за ракот сметаат дека вежбањето по 45 минути секој ден може да спречи 5.500 случаи на рак на дојката во Велика Британија годишно.

Покрај тоа, можат да бидат избегнати уште 4.600 дијагнози на рак на дебелото црево, ако Британците прават лесни вежби по 30 минути на ден.

Ова според експертите ќе ги намали болестите од рак за 12 отсто и смртните случаи за околу 3.400. Од Светската организација објавија дека ќе започнат кампања за промовирање на спортските активности, бидејќи само третина од луѓето знаат дека вежбите се поврзани директно со ракот на дојката и дебелото црево.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.