Екипата на РК Куманово е победник на петтиот по ред традиционалетн турнир во ракомет Ѓорѓи Грајдов ,кој викендов се одржа во салата Гемиџии ,а посветен на еден од најголемите велешки спортски легенди.

Кумановчани во финалето ја совладаа екипата на Тинекс и засужено стигнаа до првиот трофеј во петгодишната историја на турнирот. 

Овие две екипи беа подобри во полуфиналните средби кои ги одиграа против Винарска Визба Тиквеш и Борец. Токму тие се сретнаа помеѓу себе во натпреварот за третото место ,кој во своја корист го решија кавадарчани и фенерот му го препуштија на Борец ,кој се покажа како „Добар домаќин" бидејки ги загуби и двата натпревари. 

Организаторите се задоволни од текот на целиот турнир. Раководството на ракометниот клуб Борец истакнува дека востановената традиција продолжува и годинава. Ѓорѓи Гајдов е човек кој многу го задолжи велешкиот ракомет и заслужено во негова чест се одржува еден ваков турнир. 

Натпреварите во спортската сала „Гемиџии" ги проследија над 1000 гладачи . Турнирот се одржа под поктовителство на општина Велес.