Во замена за старите од кои учеа минатата учебна година, учениците и годинава ќе добијат бесплатни комплети од Владата. Во училишта веќе почна доставата на учебниците, кои учениците ќе ги добијат веднаш штом ќе почнат со настава.

Условот и оваа учебна година ќе биде да учат од нив и на крај да ги вратат во нормална состојба, неискинати и неисшкртани. Во спротивно нивните родители ќе треба да си ги платат.

За три дена стартува новата учебна година и се прават последните подготовки за новите школски денови.

Иако учебниците се бесплатни родителите сепак ќе го одврзат ќесето, за нов училишен прибор, тетратки, работни листови.

Но со оглед на тоа што како по некое непишано правило се треба да биде ново, па така ќе трбаат пари и за нова облека, патики, ранци и што ли уште не.

Но сепак најважни се книгите кои Владата втора година по ред им ги дава бесплатно.