Голем успех на велешките спортски роболовци,  членови на Спортското риболовно друштво „Металург".

Сите нивни екипи на годинешните купови освоија медали.

Со злато се закитија пионерите и јуниорите. Тие во конкренција на сите екипи од земјава убедливо ги освоија медалите во нивната конкуренција.

Првото место  на сениорите им избега за само 35 грама. Тие  на крајот беа второпласирани.

Куповите се одржаа на Мавровско и на Тиквешко Езеро.

„Медалите се очекувани. Иако конкуренцијата беше многу силна ние сепак се подготвивме максимално и успеавме да забележиме резултети кои се за достојна почит", вели Тодор Ацев тренер на екипата.

Во СРД „Металург" велат дека во иднина ќе посветат големо внимание на младите категории. По подолго време заживува младинското членување и во екипите има нови деца.

„Кај нас има деца кои сами доаѓаат да членуваат ,нешто што во минатото не беше случај. Тогаш на натпревари се одеше со деца чии што родители беа дел од друштвото како активни риболовци", вели Зоран Димов претседател на друштвото.

СРД „Металург",  активно постои во последниве четири години. Но нивната историја е многу подолга. Тие се наследници на друштвото кое пред повеќе децении беше  формирано од  Топилница.