Поплавено студио ,прегорени компјутери, миксета и архивски материјал. Ваква беше сликата во Це  Де радио на 11 Август минатата година откако Велес го зафатија обилни дождови проследени со поплави.

Но и по една година сопственикот Ване Михајловски сеуште не може да ја донесе ситуацијата во нормала.

Тој ги обвини градските власти за неажурност во работењето и катастрофално лоша проценка на штетите.

Општинската комисија за проценка одедила сума од само 20 000 денари со која е обештетено радиото.

„Проценката е направена катастрофално. Ни префрлија сума од само 20 000 денари и со неа заменивме само една врата која беше кабардисана и ништо друго. Според нашите проценки штетата е неколку пати повисока",вели Ване Михајловски сопственик на Це  Де радио.

Од Це Де  радио апелираат до надлежните да се поправат шахтите на улица Белградска ,кои се директна причина за поплвите. Сепак од општина Велес нема конкретни чекори. Ситуацијата на теренот е непроменета. Семејството Михајловски на секој поголем дожд имаат проблем со надојдените води.

„Треба да се најде некое подобро решение за прифаќање на отпадните води од горната улица Белградска. Овие сегашни шахти се со мал капацитет и се контрапродуктивни оти ја враќаат водата нагоре„вели Михајловски.

Според општинската комисија за проценка поплавата која пред една година го зафати Велес направи штети  од скоро 30 000 евра ,сума која не е доволна да обештети ни пет семејства погодени од поплавите.