Жито Вардар" од Велес минатата недела   ја покачи цената на социјалниот леб.

Наместо за 15 денари како што во изминативе четири месеци го купуваа социјалците и пензионерите со пензија помала од осум илјади денари, сега за  векна плаќаат по 18 денари.

Околу четири илјади социјалци и пензионери од Велес, Градско и Чашка  повторно се соочија со поскапувањето не само на лебот туку и на брашното, маслото за јадење, јајцата и други прехрамбени производи.

Нова цена има и  лебот од приватните пекари. Од 17  сега тој се продава по  20 и  22 денари. Засега по стара цена од 25 денари се уште се продава лебот на Жито Вардар.