Манифестација Топол Културен бран, пристигна и   во Општина Чашка. Пред жителите на Чашка, Богомила, Извор, Горно и Долно Јаболчиште и други населени места од Општината ,  во изведба на театарот „Скрб и утеха- ТИХД",  беше изведена монодрамата  "Будење на ангелите" посветена на Свети Климент Охридски, од Весна Димитровска, а во режија на Слободанка Чичевска.

Жителите на Чашка велат дека  ова е прв пат од формирањето на Општината  да биде изведена театарска претстава. Токму затоа и интересот беше огромен, се бараше столче повеќе.

Во рамките на  манифестацијата „Топол културен бран", што го организира и финансира Министерството за култура, во организација на Кинотека на Македонија , беа прикажани пет македонски филмови.

Завчера вечер пак, беше посветена на  на окарината. „Топчестата флејта" што пред неколку години археологот Трајанка Јовческа ја пронајде  на локалитетот „Мрамор" што се наоѓа во непосредна близина на Населбата Чашка.

Според градоначалникот на Општина Чашка Горан Пановски ,покрај манифестациите од „Топлиот културен бран" во наредниве денови  планираат во Населбата и другите поголеми населени места во Општината да се одржат повеќе  културни манифестации.