Првата дама на Франција, Карла Бруни - Саркози, дебитираше како актерка во филмот „Полноќ во Париз" на режисерот Вуди Ален.

Првата сцена во која се појавува Карла Бруни - Саркози заедно со американскиот актер Овен Вилсон, снимена е во мала продавница во париската петта авенија.

Снимањето траеше неколку часа, за што беше запрен сообраќајот.

Вуди Ален почна да го снима филмот „Полноќ во Париз" на почетокот на јули.

Филмот е романтична комедија за пар чиј живот се менува по доаѓањето во Париз, во кој играат  и актерите Марион Котијар, Рејчел Макадамс и Кејти Бејтс.