Србија, Хрватска и Словенија во петок ја потпишаа декларацијата со која се поддржува формирање заедничка железничка компанија заради подобрување на сообраќајот на Коридорот 10.

Според српскиот министер за инфраструктура Милутин Мркоњиќ, новата компанија би требало да почне со работа на 1. септември и со неа ќе управува Словенија, бидејќи е членка на Европската унија(ЕУ), јавува Танјуг.

Со потпишувањето на документот трите држави се обврзуваат дека ќе работат на отклонување на административните ограничувања при превозот на стока и патници преку граничните премини.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.