Традиционалната сликарско - копаничарска колонија „Папрадишки мајстори" наместо во село папрадиште, оваа година ќе се одржи во Велес. Уметниците ќе бараат инспирација во куќите на Васил Главинов и на Касапови. 

Организарорите се одлучиле за оваа промена за да направат уште еден обид културно да заживеат двете ќуки. 

Според градоначалникот од организациско аспект условите за престој во Велес се подобри.Воедно колонијата ќе биде можност за сите граѓани кои се заинтересирани можат да ја посетат во секое време и дабидат дел од неа.

„Сакаме да направиме да заживеат двете куќи. Воедно тоа што уметниците ќе бидат во Велес ќе можат да видат како функционира една урбана колонија и ќе имаат слобода да работат на која локација во градот и да сакаат", вели Горан Петров градоначалник на Велес. 

На шестата сликарско-копаничарска колонија „Папрадишки мајстори" ќе учествуваат 12 сликари и шест копанирачи од земјава, но и гости од Романија ,Србија ,Словенија и Бугарија. 

Организаротите упатија и отворена покана до сите велешки уметници дека во секое време можат да сеприклучат на колонијата. 

„Видете со тоа што колонијата е во Велес добиваме урбан простор многу локации за творење и запознавање на градот ,но  го губиме логорскиот оган и живописните предели на Папрадиште", вели Љубомир Бисин раководител на копаничарскиот дел. 

„Со одржувањето на колонијата  во Велес градот ќе добие многу. Уметниците ќе можат одблизу да ги видат сите убавини и знаменитости на овој прекрасен град", вели Ангел Коруновски раководител на сликарскиот дел. 

Колонијата ќе се одржи од четврти до 13 Август. Уметниците  зад себе ќе остават повеќе дела.