Поднесувајќи резолуција во Советот за безбедност во Обединетите нации(ОН), без консултација со големите сили, Србија влезе во многу ризична фаза, ставајќи ја на коцка својата кандидатура во Европската унија(ЕУ).

Ова во петок го пишува весникот „Блиц", повикувајќи се на изјави на дипломати и домашни експерти за меѓународна политика.

Истовремено, врз Србија е зголемен притисокот да ја повлече резолуцијата од ОН, со предупредување дека нема да може да ги продолжи евроинтеграциите доколку продолжи така да се однесува.

Мнозинството постојани членки во Советот за безбедност во четврток дадоа негативно мислење во врска со српската резолуција, со која се бараат преговори со властите во Приштина околу сите отворени прашања.

Косовскиот премиер Хашим Тачи во четврток изјави дека за внатрешните работи на Косово нема да има дијалог со Белград и дека „засекогаш мораат да се заборават идеите за специјален статус, автономија, размена на територии и поделби".

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.