Германскиот тим Потсдам, актуелен освојувач на Лигата на шампионите во женски фудбал сака во своите редови да ја ангажира Наташа Андонова најдобриот играч на велешки Борец.

По одличните игри во минатата сезна како на клубски така и на репрезентативен план Андонова се наметна како една од десетте најталентирани фидбалеки во Европа.

Од клубот засега ниту потврдуваат ниту демантираат за ваквиот интерес. Велат дека оваа не е единствената понуда ,туку заинтересирани биле и други клубови од стариот континент. Андонова засега е категорична, понуди има, но кога работите ќе се финализираат тоа ќе се објави во јавноста.

„Точно е тоа дека имам понуди од повеќе европски клубови ,но засега не сакам да откријам што и како. Кога ќе има нешто конкретно сигурно дека ќе до соопштам во јавноста“, вели Андонова.

Инаку фудбалерките на Борец на први август заминуваат за Литванија, каде од петти до десети ќе одиграат три натпревари во рамките на квалификациите за Лигата на шампионите.

Ова  ќе биде уште една можност на младите фудбалерки за докажување на меѓународна сцена пред многуте менаџери кои се очекува да присувствуваат на тие натпревари.