Стечајците се попишманија. Иако најавија дека протестите ги ставаат во мирување сепак тие ќе продолжат. Причина за ваквата одлука се подносливите температури во овие нелку денови поради што е намалена опасноста од евентуално калабирање пред институциите.

Протести ќе има, и тоа утре. Велешките стечајци очакуваат масовност од нивното членство.

„Нашите членови се гладни и жедни. Има голема опасност за евентуално колабирање и онесвестување. Сега сепак условите го дозволуваат тоа и затоа ќе одиме на протести уште еднаш да го искажеме незадоволството од власт", вели Томислав Крстиќ претседател на здружение „СТРАВ".

Стечајците велат дека летниот период ќе го искористат за да го информираат меѓународниот фактор за состојбата во која се наоѓаат. Веќе испратиле писма до меѓународната зедница ,судот за правда и конвенцијата за човекови права.

Од пред извесно време на нивна страна бил и Евроамбасадорот Фуере.

„Ние остваривме средба со Фуере и тој јасно ни кажа дека е на наша страна. То во извештајот што го поднесува пред унијата има напишано за нашиот проблем и дека тој треба да го реши државата", вели Крстиќ.

Решавање на проблемите преку институциите и понатаму останува приоритет број еден за неколку илјади стечајни работници од Велес, некогашни вработени во големите производствени гиганти.