Условите во гинеколошкото одделение на велешката болница се многу лоши. Тоа го констатираше комисија на  Министерството за здравство при извршената контрола. Ова одделение, заедно со штипското ги имаат  најлошите услови за работа во Државата.

Застарена апартура, една просторија наменета за секакви потреби, дотраен мебел ,врати и прозори, а собите на родилките во овие горештини се ладат со вентилатор.

Комисијата за ваквата состојба во гиноколошкото одделение зема изјави од докторите вработени тука.  Но и покрај ваквата слика, вработените велат дека тие целосно се трудат да го санираат проблемот со застарените апарати, да ја одржуваат хигиената која е под надзор на санитарната испекција, но и да го решат кадровскиот проблем.

„Овој проблем го имаме подолг период и ние се трудиме некако да го надминеме. Состојбата во болницата е таква ,фалат многу работи ,но засега мораме да работиме со тоа што го имаме", вели д-р Ванчо Граматов директор на велешката болница.

Во одделот за гиникологија работите се одвиваат нормално.  И по случајот со смртта на родилката, досега нема откажано ниту едно порудување. На породилното одделение моментално работат четворица гиниколози. Предхоно биле девет.

„Иако имаме недостиг на лекари сепак се снаоѓаме да им излеземе во пресрет на сите родилки. Моментално сме со персонал од четворица лекари кои успешни ја завршуваат задачата", вели д-р Граматов.

Во велешката боница, се порододуват  родилки од Велес, Неготино, Св. Николе и соседните општини. Иако ова одделение кадровки  е слабо, не се случило досега ниту една од родилките да биде вратена.

За неодамнешната смрт на родилката Лиле Мајсторова,  сеуште се чекаат резултатите од обдукцијата.