Турнитор во фут-сал кој се игра на спортското игралиште во населбара Тунел и ова лето е вистински магнет за сите љубители на спортот.

Секоја вечер граѓани на Велес од сите делови доаѓаат да ги проследат натпреварите, кои засега се многу возбудливи и неизвесни. Доказ за ова е просекот од речиси десет голови на натпревар.

Организаторите велат дека главната причина за тоа е високиот квалитет на турнирот и богатиот фонд на награди. Во 21 пријавена екипа буквално игра целата фут-сал репрезенатија на Македонија. Токму за тоа и натпреварите се со врвен квалитет бидејки може да се види најдоброто во земјата.

Нагртадата од 100 000 денари за победничката екипа е дополнителен мотив за сите тимови да го дадат нивниот максимум.

Борбата за првите места допрва следува. Денеска се завршувааат натпреварите по групи, а веќе од утре стартува четврт финалниот сегмент. Конечниот расплет се очекува да биде во недела за кога е закажан финалниот натпревар.