Починина родилка во велешката болница. 45 годишната Лиле  Мајсторова после полноќ во родилната сала на гиниколошкото одделение започнала да се породува.

Според изјавата на директорот на болницата др.Ванчо Граматов породувањето започнало нормално но во еден момент настанале компликации. 

„Во овој момент можам да кажам  дека се што превземале моите колеги, дежурниот гиниколог, анестезиолог бил повикан невролог и друг анестезиолог, но сите нивни напори биле безуспешни, пациентката почина", рече др.Ванчо Граматов.

Новороденчето, машко дете, веднаш е пренесено на Клиника во Скопје. Директорот др. Аце Костевски во телефонскиот разговор потврди дека на Клиниката утрово примено е новороденче во тешка здравстевна состојба, тоа сега е приклучено на апарати и се бори за живот.

Директорот на велешката болница вели дека Институтот за судска медицина го има последниот збор. Резултатите од обдукцијата ќе ја откријат причината за смртта родилката на која оваа бременост и била трета.

Ова е трет случај во последниве десет години родилка да почине на породување.

Во 2000 почина Анета Костова, три години подоцна откако на свет донесе машко бебе, искрвари и умре Бојанка Игнова.